OFFICE OF THE MUNICIPAL DISASTER RISK REDUCTION & MANAGEMENT COUNCIL ADVISORY December 15, 2021, 5:00 AM
OFFICE OF THE MUNICIPAL DISASTER RISK REDUCTION & MANAGEMENT COUNCIL
ADVISORY December 15, 2021, 5:00 AM
Isip Chairperson sa Municipal Disaster Risk Reduction and Management Council sa atong lungsod sa Sogod, Southern Leyte, ako ngpahimangno kaninyo nga aduna kitay gibantayan nga umaabot nga bagyo. TS Odette, nga posibleng moigo sa mga kalungsuran sa Southern Leyte, apil na ang atong lungsod sumala sa "forecast" sa PAGASA kini nga bagyo possible nga magdala og makusog ngadto sa pinakakusog nga ulan nga magresulta sa pagbaha ug pagdahili sa yuta.
Sa labing uwahe nga Weather Update nga gi-isyu sa PAGASA ganinang alas 5:00 AM, December 15, 2021, anaa na kita sa signal #1, Ang sentro sa maong bagyo posibleng mag-landfall sa Caraga or Eastern Visayas ugma sa gabii December 16, 2021. Si "ODETTE" gibana-bana nga mokusog pa ngadto sa typhoon category sulod sa 12 ka oras.
Gihangyo ang tanan lumulopyo nga mag amping ta kanunay ug mag andam sa posibleng epikto niining bagyo sama sa;
- Sa pagpangandam sa tagsa tagsa nga family "GO BAG" aron sajon ra pag adto sa "safe" nga lugar;
- I-secure ang kabalayan ug mga importanteng kabtangan sa "safety" lugar sa balay;
- Panginano sa mga opisyales sa barangay kon asa mo na-assign nga evacuation center;
- Palihug pang-off sa mga electrical switches, tubig ug LPG una mobakwit;
- Palihug mag-trim sa mga punoang kahoy nga posibleng makadaut sa panimalay, pagbanting sa mga atup para dili mapalid sa hangin;
- Mag "de-clog" sa tagsa tagsa natong mga canal aron way makaharang sa saktong agi-anan sa tubig-ulan or tubig baha;
- Kanunay mag-monitor sa tv, radio ug uban pang media para sa mga advisories mahitungod sa bagyo;
- Mag andam ug flashlight, kandila ingkaso kong adunay brown-out, siguroa nga naka-full charge ang inyong cellphones;
- Pagpundo ug pagkaon ug tubig mainom;
- Magreport sa mga awtoridad or opisyales kon adunay mga panghitabo kabahin sa dautang panahon. Himoang Batasan ang makig-coordinate sa BDRRMC, ( Barangay Disater Risk Reduction Management Council) ug sa MDRRMC ( Municipal Disaster Risk Reduction Council)
MAG-AMPO UG MAG-AMPING KITANG TANAN. DAGHANG SALAMAT!
HON. IMELDA U. TAN
Municipal Mayor MDRRMC Chairman
