Pag abli sa Inter Secondary Basketball Tournament nga may kalabutan sa pagselebrar sa ika 170 ka tuig sa pagkahimugso sa atong pinalanggang lungsod
Kasadya sa lungsod sa Sogod samtang nagkaduol na ang iyang ika 170 nga adlaw nga natawhan. Gilunsad ang usa ka parada niadtong Mayo 29, 2023 adlaw nga Lunes atol sa pag abli sa Inter Secondary Basketball Tournament nga may kalabutan sa pagselebrar sa ika 170 ka tuig sa pagkahimugso sa atong pinalanggang lungsod.
Ang maong paugnat sa kusog gisalmutan sa napulo (10) ka mga tulunghaan sa High School sa nagkalainlaing lungsod ning atong lalawigan sa Southern Leyte. Ang napulo ka team niapil sa parada nga gipangunahan sa Banda sa Sogod National High School. Aduna pay daghang mga kalingawan nga atong masaksihan atol sa ika 170th Founding Anniversary sa atong lungsod sa Sogod.
